Ўзбекистон сунъий интеллектга тайёрлик рейтингида Марказий Осиёда сўнгги ўринни эгаллади

Ўзбекистон Халқаро Валюта Жамғармаси (ХВЖ) томонидан тузилган глобал сунъий интеллектга (СИ) тайёрлик рейтингида 123-ўринни эгаллади. Бу ҳақда ХВЖ маълумотларига таяниб Ranking.kz хабар берди.

174 давлатни қамраб олган индекс рақамли инфратузилма, инсон капитали, технологик инновациялар ва ҳуқуқий тартибга солиш каби омилларни ҳисобга олган ҳамда Жаҳон банки, Халқаро меҳнат ташкилоти ва бошқа ташкилотлар маълумотларидан фойдаланилган.

Рейтингда, шунингдек, Марказий Осиё давлатлари орасида етакчилар қаторида 48-ўринни эгаллаган Қозоғистон, кейинги ўринларда Қирғизистон (99-ўрин) ва Тожикистон (123-ўрин) ҳам жой олди. Туркманистон бу рейтингга киритилмади.

Сунъий интеллектдан фойдаланишга тайёрлик бўйича дунё етакчилари - Сингапур, Дания ва АҚШ.

Шу билан бирга, Марказий Африка Республикаси, Афғонистон ва Жанубий Судан сўнгги ўринларни эгаллади.

Ушбу рейтинг СИ технологияларининг иқтисодиёт ва жамиятга муваффақиятли интеграциялашуви учун рақамли инфратузилма ва инсон капиталини ривожлантиришга сармоя киритиш муҳимлигини таъкидлайди.

Тожикистон 2022 йил сентябрида мамлакат президенти Имомали Раҳмон ташаббуси билан Миллий сунъий интеллект стратегиясини қабул қилган Марказий Осиёдаги биринчи давлат бўлган эди.