Абитуриентлар учун хорижий ва нодавлат ОТМдаги давлат грантларига қўшимча танлов ўтказилади

Давлат комиссияси баёнига кўра, 2025-2026 ўқув йили учун республика ҳудудида фаолият юритаётган хорижий ва нодавлат олий таълим ташкилотларига давлат гранти асосида ажратилган 1 320 та ўриндан вакант қолган ўринлар учун абитуриентлар ўртасида қўшимча танлов ўтказилади.

Шунга мувофиқ, 2025 йил 25 ноябрдан 4 декабрга қадар (шу куни ҳам) муайян хорижий ва нодавлат олий таълим муассасаларига тўлов-контракт асосида талабаликка тавсия этилган ёшлар Билим ва малакаларни баҳолаш агентлигининг my.uzbmb.uz платформасида онлайн рўйхатдан ўтади.

Рўйхатдан ўтган абитуриентлар учун 2025 йил 11 декабрга қадар тест синовлари ўтказилади. Тест синовлари ўтказиш санаси, вақти ва манзили ҳақидаги маълумотлар абитуриентнинг шахсий кабинети орқали эълон қилинади.

Талабгорлар имтиҳонда иштирок этиш учун рухсатномани ҳам Билимни баҳолаш агентлигининг my.uzbmb.uz сайтидаги шахсий кабинетидан юклаб олиши мумкин.