Қўшимча функционаллар
-
Тунги кўриниш
Буюк Британия россиялик 23 дипломатни мамлакатдан чиқариб юборади
Фото: AP
Буюк Британия россиялик 23 нафар дипломатни мамлакатдан чиқариб юборади. Бу ҳақда бош вазир Тереза Мэй парламентдаги эшитувлар давомида маълум қилди.
Унинг сўзларига кўра, Россия Британияга Скрипаль иши бўйича ишонч туғдира оладиган жавоб тақдим этмаган.
Шунингдек, БМТ Хавфсизлик Кенгаши Тошкент вақти билан соат 00.00да Скрипаль иши бўйича очиқ йиғилиш ўтказади. Бу ҳақда Буюк Британиянинг БМТдаги доимий ваколатхонаси хабар берган.
Еврокомиссия эса келаси ҳафтада собиқ разведкачининг заҳарланиши билан боғлиқ вазиятни муҳокама қилиши мумкин. Бу ҳақда Европа кенгаши раиси Дональд Туск маълум қилди.
The Independent нашрининг ҳукуматдаги манбага асосан хабар беришича, Мэй Россияга «иқтисодий уруш» ҳам эълон қилиши мумкин.
Эслатиб ўтамиз, аввалроқ НАТО бош котиби Йенс Столтенберг Британия ТИВ раҳбари Борис Жонсон билан суҳбат чоғида Буюк Британиянинг ГРУ собиқ полковниги Сергей Скрипаль заҳарланишида Россия изи бор эканига оид хавотирларини тўла қўллаб-қувватлаши ҳақида маълум қилганди.
Скрипаль иши
Буюк Британия фойдасига жосуслик қилган ГРУ собиқ полковниги Сергей Скрипаль 4 март куни заҳарланди. Буюк Британия бу суиқасдда Россияни айблади
Мавзуга оид
20:45 / 12.11.2024
Англияда биринчи аккумуляторли поезд синовдан муваффақиятли ўтди. У соатига 120 км тезликка чиқди
18:15 / 12.11.2024
Буюк Британия мудофаа эҳтиёжлари учун ядровий ёқилғи ишлаб чиқаришни қайта тиклаши мумкин
19:02 / 10.11.2024
The Guardian: Буюк Британия ҳукумат алмашганидан кейин Украинага ракеталар етказишни тўхтатди
00:46 / 10.11.2024