Skripal ishi. Vaziyatga NATO bosh kotibi ham aralashdi

NATO bosh kotibi Yyens Stoltenbergning Britaniya TIV rahbari Boris Jonson bilan suhbat chog‘ida ma'lum qilishicha, Buyuk Britaniyaning GRU sobiq polkovnigi Sergey Skripal zaharlanishida Rossiya izi bor ekaniga oid xavotirlarini to‘la qo‘llab-quvvatlaydi. Bu haqda mahkama saytida xabar qilinadi.

«TIV rahbari NATO bosh kotibi Yyens Stoltenberg bilan suhbatlashib, NATO mamlakatlari Rossiya tomonidan kelayotgan tahdid oldida birdam bo‘lishi muhim ekanini ta'kidlab o‘tdi. Bu tahdid nafaqat Buyuk Britaniya, balki bizning NATO bo‘yicha ittifoqchilarimizning xavotiriga ham sabab bo‘lmoqda», - deya xabar qilinadi saytda.

Eslatib o‘tamiz, avvalroq amerikalik senator Jon Makkeyn Rossiya prezidenti Vladimir Putin GRU sobiq polkovnigi Sergey Skripalga uyushtirilgan hujum uchun mas'ul ekani haqida ma'lum qilgandi.