Россия Марказий Осиёдаги ташқи ҳарбий иштирокка қарши чиқди

Россия мудофаа вазири Андрей Белоусов Шанхай ҳамкорлик ташкилотига (ШҲТ) аъзо давлатлар ҳарбий идоралари раҳбарларининг йиғилишида иштирок этди. Унинг сўзларига кўра, Москва минтақадан ташқаридаги давлатларнинг Марказий Осиёда ҳарбий иштирокини таъминлаш ва у ерда логистика муаммоларини ҳал қилиш истагини қабул қилиб бўлмайди.

«Биз минтақадан ташқаридаги давлатларнинг Марказий Осиёда ҳарбий иштирокини таъминлаш ва логистика муаммоларини ҳал қилиш уринишларини диққат билан кузатиб бормоқдамиз. Буни номақбул деб ҳисоблаймиз», деди у.

У Россия томонининг Сурия, Ливан, Афғонистондаги вазият, шунингдек, Ғазо секторидаги гуманитар фалокатдан жиддий хавотирда эканини таъкидлади.