Автомактаб ўқитувчиси пора билан қўлга тушди
Ўқитувчи фуқарони ИИБда ишловчи таниши орқали имтиҳонлардан ўтказиб қўйишни ваъда қилган. Бу ҳақда вилоят Ички ишлар бошқармаси ахборот хизмати хабар қилмоқда.
Қайд этилишича, 21 апрель куни фуқаро Ю.Б. ИИБга мурожаат қилиб, Қўқон шаҳрида жойлашган автомактабнинг К.М. исмли ўқитувчиси “В,С” тоифадаги ҳайдовчилик гувоҳномасини Фарғона вилояти ИИБ ЙҲХБда ишловчи танишлари орқали имтиҳонлардан ўтказиб қўйишини айтиб, 2 200 000 миқдоридаги пулларни талаб қилаётганини маълум қилган.
Ҳолат юзасидан ИИБ ходимлари томонидан ўтказилган тезкор тадбирда, К.М. Қўқон шаҳар марказида Ю.Б.дан “В,С” тоифадаги ҳайдовчилик гувоҳномасини олиб бериш эвазига 2 200 000 миқдоридаги пулларни олган вақтида холислар иштирокида далилий ашёлар билан қўлга олинган.
Аввалроқ автомашина олиб бераман деб, фуқарони 19 800 АҚШ долларига чув туширган шахсга жиноят иши қўзғатилгани ҳақида хабар берилган эди.
Мавзуга оид
19:02 / 09.09.2024
Қашқадарё ва Жиззахда пора олган экология ва қурилиш мутахассислари ушланди
20:10 / 20.08.2024
Тошкент ва Жиззахда ҳоким ёрдамчилари пора билан ушланди
16:28 / 18.08.2024
Самарқандда Жанубий кон бошқармаси мутасаддиси фуқароларни ишга киритиш учун 5 минг доллар олганда ушланди
09:43 / 11.08.2024