Навоий вилоятининг собиқ ҳокими операция қилинди
Қобул Турсуновда оғир жарроҳлик амалиёти ўтказилди.
Навоий вилоятининг собиқ ҳокими Қобул Турсунов 10 соат давом этган жарроҳлик амалиётини бошдан кечирди.
Kun.uz манбасига кўра, собиқ ҳокимда интубацион наркоз остида ламинэктомияси ва бел соҳаси умуртқаларини ТПФ - транс педикуляр фиксатор система билан стабилизация қилиш жарроҳлик амалиёти ўтказилган.
Амалиёт Навоий вилояти Кўп тармоқли тиббиёт марказида Республика ихтисослаштирилган нейрохирургия илмий-амалий тиббиёт маркази директори ўринбосари, тиббиёт фанлари доктори Равшан Юлдашев ва навоийлик нейрожарроҳлар ҳамкорлигида амалга оширилган.
Таъкидланишича, ҳозирда беморнинг аҳволи қониқарли, кейинги реабилитация муолажалари давом эттирилмоқда.
Қобул Турсунов 2021 йилнинг 8 ноябрь куни соғлиги ёмонлашгани сабабли вазифасидан озод этилганди. Кейинчалик собиқ ҳоким шу куни фармойиш чиқариб, бир қатор ташкилотларга жами 22 млрд 491 млн сўм маблағ ажратгани маълум бўлди.
Мавзуга оид
14:06 / 11.10.2024
Рулдаги бола қамалар, Gentra’ни ижарага берган-чи? Ноқонуний машина ижараси ўсмирлар ўлимига сабаб бўлмоқда
14:28 / 28.09.2024
Навоийда заҳарли илон ва чаёнлар питомниги ташкил этилди
19:51 / 12.09.2024
Мерей Омонбоеванинг иши судга чиқди
10:19 / 19.08.2024