Toshkentdagi klinikada operatsiya paytida 9 yoshli bola vafot etdi

Poytaxtdagi Paeonnis klinikasida o‘tkazilgan rinoplastika amaliyotida bemor o‘limi ro‘y berdi. Kun.uz shahar prokuraturasidan olgan ma’lumotga ko‘ra, holat bo‘yicha tekshiruv boshlangan.

Foto: Google-xaritalar

25 avgust kuni Toshkent shahridagi Paeonnis klinikasida 9 yoshli bola operatsiya vaqtida vafot etdi.

Kun.uz manbasining xabar berishicha, bola 1 hafta oldin klinikada tibbiy ko‘rikdan o‘tgan. So‘ngra burun sohasida o‘tkazilgan rinoplastika jarrohlik amaliyotidan tirik chiqmagan.

Toshkent shahri prokuraturasi hodisa yuz berganini tasdiqladi va tergovga qadar tekshiruv boshlanganini ma’lum qildi.