Toshkentda qalbaki dori va biologik qo‘shimcha ishlab chiqargan sex aniqlandi

Bosh prokuratura huzuridagi Departamentning Uchtepa tumani bo‘limi tadbirkorlik sub’yektlarining huquqlarini himoya qilish yuzasidan o‘tkazgan tergovga qadar tekshiruvda 3 nafar fuqaro Chilonzor tumani, 9-mavzedagi xonadonda yashirin sex tashkil etgani aniqlangan.

Qayd etilishicha, ular E.L. MChJning tovar belgisidan foydalangan holda biologik faol qo‘shimchalar ishlab chiqarayotgan bo‘lgan. Tekshiruv davomida yashirin sexdan 3 300 dona qalbaki biologik faol qo‘shimcha hamda 3 420 dona dori vositalari ashyoviy dalil sifatida olingan.

Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, hozirda tergov harakatlari olib borilmoqda.