Qoʻshimcha funksionallar
-
Tungi ko‘rinish
Shri-Lankada avtobus jarlikka qulashi oqibatida 21 kishi halok bo‘ldi
Shuningdek, yana 35 kishi jarohat olgan bo‘lib, ular shifoxonalarga yetkazilgan.
Foto: AP
Shri-Lankada avtobus jarlikka tushib ketishi oqibatida 21 kishi halok bo‘ldi. Bu haqda politsiyaga tayanib mahalliy Adaderana portal xabar berdi.
Qayd etilishicha, hodisa oqibatida kamida 35 kishi jarohat olgan. Ular Nuvara-Eliya va Kotmaledagi shifoxonalarga yetkazilgan.
YTHda halok bo‘lganlar shaxsi hozircha aniqlanmagan.
Yo‘l-transport hodisasi Shri-Lankaning Markaziy provinsiyasidagi Kotmale hududida sodir bo‘lgan. Mamlakat Transport kengashiga tegishli avtobus janubiy Kataragama ziyoratgohidan Kurunegalaga ketayotganida yo‘ldan chiqib, qariyb 100 metr balandlikdan qulab tushgan.
Avvalroq Shri-Lankadagi Maduru Oya suv omboriga Bell 212 vertolyoti qulab tushgan edi. Mamlakat Harbiy-havo kuchlari (HHK) vakilining so‘zlariga ko‘ra, havo kemasi fuqarolik urushi tugaganiga bag‘ishlab o‘tkaziladigan harbiy paradga tayyorgarlik doirasida sinov parvozini amalga oshirayotgan bo‘lgan.
Mavzuga oid
11:43
Toshkentda noqulay ob-havo: avtobus intervallari uzayishi mumkin
11:34
Toshkentda chang avtobusda yo‘lovchilar tashilgan holat ortidan mas’ullar jazolandi
12:13 / 21.01.2026
“Judayam chang, nafas olib bo‘lmaydi” – Toshkentda yo‘lovchilar iflos avtobusda tashilmoqda
18:20 / 19.01.2026