Qoʻshimcha funksionallar
-
Tungi ko‘rinish
Eksportchilarning transport xarajatlarini kompensatsiyalash to‘xtatildi
O‘zbekistonda eksportchilarning transport xarajatlarini davlat budjetidan subsidiyalash amaliyoti bekor qilindi. Bu – savdoni tartibga solishni Jahon savdo tashkiloti qoidalariga muvofiqlashtirish yo‘lidagi navbatdagi qadam bo‘ldi.
Foto: Kun.uz
O‘zbekiston prezidenti Shavkat Mirziyoyev 27 dekabr kuni eksportni qo‘llab-quvvatlash chora-tadbirlarini Jahon savdo tashkiloti bitimlariga muvofiqlashtirishga qaratilgan farmonni imzoladi.
Tuzatishlarga ko‘ra, eksportchilarning avtomobil, havo va temiryo‘l tashuvlari xarajatlarini kompensatsiya qilish amaliyoti bekor qilinmoqda.
Eksportchilarga 2024 yil 31 dekabrga qadar amalga oshirilgan eksport uchun belgilangan tartibda subsidiya va kompensatsiyalar beriladi. Ushbu to‘lovlar 2025 yil 1 fevralga qadar amalga oshiriladi.
Farmon 2025 yil 1 yanvardan kuchga kirdi.
Eslatib o‘tamiz, bungacha davlat eksportchilarning o‘z mahsulotlarini eksportga tashish xarajatlarining 50 foizini qoplab berayotgan edi. Bu maqsadlar uchun 2022 yilda 336 mlrd so‘m, 2023 yilda 509,9 mlrd so‘m, 2024 yilda 138,8 mlrd so‘m ajratilgan.
Mavzuga oid
19:17 / 08.01.2025
Import avtomobillar sinovi uchun uzoq muddatli elektron navbat paydo bo‘la boshladi
12:14 / 07.01.2025
Eksportni qo‘llab-quvvatlash choralari JST talablariga muvofiqlashtiriladi
20:51 / 02.01.2025
60 turdagi mahsulotlar uchun bojsiz import rejimi yana bir yilga uzaytirildi
18:59 / 02.01.2025