Qashqadaryo viloyatidagi rahbarlar safida yana o‘zgarish ro‘y berdi

Qashqadaryo viloyati qishloq xo‘jaligi sohasiga oid rahbariyatda o‘zgarishlar ro‘y bergan. Bu haqda Kun.uz’ga viloyat hokimligi axborot xizmati rahbari A.Sodiqov ma'lum qildi.

Viloyat qishloq xo‘jaligi boshqarmasi boshlig‘ining birinchi o‘rinbosari Boymirov Obloyar Sobirovich viloyat hokimining qishloq va suv xo‘jaligi masalalari bo‘yicha o‘rinbosari vazifasini bajaruvchi etib tayinlandi.

Shuningdek, viloyat qishloq xo‘jaligi boshqarmasi boshlig‘i lavozimida ishlab kelayotgan Oqboyev Farhod Berdiyevich boshqa ishga o‘tishi munosabati bilan vazifasidan ozod etildi.

Farxod Oqboyev o‘rnini O‘zbekiston Respublikasi Markaziy banki Qashqadaryo viloyati Bosh boshqarmasi boshlig‘ining o‘rinbosari Haydarov G‘anisher Ahmadovich egalladi.