Qoʻshimcha funksionallar
-
Tungi ko‘rinish
Jazirama sababli poyezdlar tezligiga cheklov kiritildi
“O‘ztemiryo‘lyo‘lovchi” AJ xabariga ko‘ra, jaziramada relslar qizib ketadi, shu sababli harakat xavfsizligini ta’minlash maqsadida poyezdlar tezligiga cheklov o‘rnatilmoqda. Natijada poyezdlar grafikdan kechikishi, ulardagi konditsionerlar ish quvvati pasayishi mumkin.
Foto: O‘zbekiston temiryo‘llari
O‘zbekistonda hukm surayotgan yoz jaziramasi sharoitida poyezdlarning harakatlanish tezligi cheklanmoqda. Bu haqda “O‘ztemiryo‘lyo‘lovchi” AJ ma’lum qildi.
“Harorat ko‘tarilishi natijasida yer usti temir yo‘llarining relslari hamda ularning po‘lat qismlarida harorat juda yuqori bo‘ladi. Shu bois, yo‘lovchilar va poyezdlar harakat xavfsizligini ta’minlash maqsadida, poyezdlar harakat tezligiga cheklovlar o‘rnatiladi. Natijada poyezdlar harakat jadvalidan kechikib harakatlanishi mumkin.
Harakat tezligiga cheklovlar o‘rnatilgan poyezdlarda esa sovutish tizimining ishlash quvvati pasayishi mumkin”, – deyiladi xabarda.
“O‘ztemiryo‘lyo‘lovchi” ob-havo sharoiti tufayli yuzaga kelishi mumkin bo‘lgan noqulayliklar uchun uzr so‘ragan.
Mavzuga oid
10:51 / 22.11.2024
23 noyabr kuni kechasi va ertalab tuman tushishi mumkin
11:33 / 21.11.2024
22 noyabrda harorat 20 darajagacha ko‘tariladi
21:37 / 20.11.2024
«Xitoy-Qirg‘iziston-O‘zbekiston» temiryo‘li bo‘yicha muzokaralar yakuniy bosqichda – OAV
11:05 / 20.11.2024