Isroil Madrimov Kroufordga qarshi jangda ochkolar bo‘yicha mag‘lub bo‘ldi
Bu Madrimov uchun professional faoliyatidagi ilk mag‘lubiyatdir.

Foto: Mark Robinson / Matchroom Boxing
Bugun, 4 avgust kuni AQShning Los-Anjyeles shahridagi 22 ming tomoshabin sig‘imiga ega «BMO Stadium» arenasida boks kechasining markaziy jangida super yarim o‘rta vazn toifasida WBA yo‘nalishi chempioni Isroil Madrimov va amerikalik Terens Krouford to‘qnash keldi.
Ushbu bahsda o‘zbekistonlik 29 yoshli bokschi o‘ziga tegishli WBA kamarini himoya qilishi lozim edi, birinchi o‘rta vaznda egasiz bo‘lib turgan WBO Interim kamari ham o‘rtaga qo‘yilgandi.
36 yoshli Terens Krouford jang oldidan «Pound-for-pound» reytingi yetakchisi hisoblanardi. U prof boksda jami 40 ta jangida 40 ta g‘alabaga erishgan edi. Yengilmas Krouford taxallusini olgan charm qo‘lqop ustasi mutlaq jahon chempioni, WBC va WBA kamarlari egasi sanalardi.
Isroil Madrimov esa super yarim o‘rta vazn toifasida WBA kamari sohibi sanalib, professional boksdagi 10 ta jangidan 9 tasida g‘alabaga erishgan, faqat bitta jangda durang qayd etgan. 7 ta jangni nokaut bilan yakunlagan. U 8 mart kuni Saudiya Arabistonining Ar-Riyod shahrida rossiyalik Magomed Kurbanovni 5-raundda nokautga uchratib, WBA kamarini qo‘lga kiritgandi.
Jangning dastlabki 5 ta raundidan keyin mustaqil tahlilchilar Isroilning ochkolar bo‘yicha 3:2 hisobidagi ustunligini qayd etgan bo‘lsa, 6-raunddan boshlab Krouford raundlarni o‘z foydasiga hal qila boshladi. Shunga qaramay, Madrimov 12 raund davomida raqibi bilan tengma-teng jang olib borib, bir qator aniq va kuchli zarbalar yo‘lladi. Ammo hakamlar qaroriga ko‘ra, ustunlik mezbon bokschiga berildi (116–112, 115–113, 115–113) va u ochkolar bo‘yicha g‘alaba qozondi.
Shu tariqa, Madrimov 11-jangiga kelib ilk mag‘lubiyatga uchradi, Terens esa 41-jangida ham g‘alaba qozondi va 4 ta vazn toifasida jahon chempioniga aylandi.
Tavsiya etamiz
AQSh elchisi o‘zbekistonlik noqonuniy migrantlarga murojaat qildi
O‘zbekiston | 16:53 / 03.04.2025
AQShning yangi bojlari O‘zbekistonga qanday ta’sir qiladi?
Nuqtayi nazar | 14:23 / 03.04.2025
Xorazmda pulini ko‘paytirib berishni aytib, mingdan ortiq odamni chuv tushirgan shaxs ushlandi
Jamiyat | 20:24 / 02.04.2025
Bitta mashinada nuqson topilsa, brendning hamma modellarini yoppasiga taqiqlash to‘g‘rimi?
O‘zbekiston | 20:13 / 02.04.2025
So‘nggi yangiliklar
-
“Gulzor qilib qo‘ygandi, endi u yo‘q” – Surxondaryoda 200 tup daraxt yo‘q qilingani aytilmoqda
Jamiyat | 21:44
-
Toshkent va Namangan viloyatlarida qor ko‘chish xavfi e’lon qilindi
Jamiyat | 21:33
-
Xitoyning AQSh bojlariga javobi fond bozorlaridagi pasayishni davom ettirdi
Jahon | 21:31
-
Yevropa Ittifoqida eng ko‘p soatbay ish haqi qaysi davlatlarda to‘lanadi?
Jahon | 21:06
Mavzuga oid

12:16
Mo‘ydinxo‘jayev va Xoldorov jahon kubogini chorakfinaldayoq tark etdi

14:34 / 22.03.2025
Afsonaviy bokschi Jorj Formen vafot etdi

15:28 / 20.03.2025
Boks 2028 yilgi Olimpiya o‘yinlari dasturiga kiritildi

21:28 / 17.03.2025