Спорт | 02:22 / 09.03.2024
34939
2 дақиқада ўқилади

Исроил Мадримов — супер ярим ўрта вазнда жаҳон чемпиони

Исроил Мадримов россиялик Магомед Қурбоновни муддатидан олдин мағлубиятга учратиб, WBA чемпиони унвонини қўлга киритди. Мадримов ўрта вазн тоифасида бошқа кучли боксчилар ва жаҳон чемпионлари билан бокс ўтказишга тайёрлигини билдирди.

Фото: Mark Robinson / Matchroom Boxing

Саудия Арабистонининг Ар Риёд шаҳридаги «Kingdom Arena» мажмуасида профессионал бокс кечаси бўлиб ўтди. 

Жанглардан бирида ўзбекистонлик Исроил Мадримов (10-0-1, 7 KO) супер ярим ўрта вазнда WBA камари учун россиялик чемпион Магомед Қурбоновга (25-1-0, 13 KO) қарши рингга кўтарилди ва шу вақтгача енгилмаган рақибини мағлубиятга учратди. 

12 раундга мўлжалланган жангнинг 5-раундида хоразмлик боксчининг кетма-кет зарбаларидан сўнг рефери баҳсни тўхтатди ва техник нокаут қайд этди.

Шу тариқа, Мадримов фаолиятидаги 10-жангида 9-ғалабасини ва чемпионлик камарини қўлга киритди.

Ўзбекистонлик жангчи ғалабадан сўнг ўсмирлар ўртасида ўрта вазн тоифасида бошқа кучли боксчилар ва жаҳон чемпионлари билан бокс ўтказишга тайёрлигини айтди.

«Бу ажойиб туйғу, мен бу лаҳзани анчадан бери кутгандим. Мен бу унвонни хоҳлардим, ҳозир мен шу ердаман, бу камар меники ва мен Ўзбекистонга кетяпман. Бу менинг биринчи титулим, лекин менга тўртта камар керак», деди у.

Matchroom Boxing промоутери Эдди Ҳирн Исроил Мадримовни (10−0−1, 7 KO) IBF, WBA ва IBO версиялари бўйича икки карра жаҳон чемпиони бўлган қозоғистонлик боксчи Геннадий Головкин (42−2−1, 37 KO) билан солиштирди.

«Бу йигит ҳақиқий йиртқич! У янги Геннадий Головкин. У Қурбоновдан осонгина ўтиб кетди. Унинг исмини эслаб қолинг: ўзбекистонлик кучли спортчи Исроил Мадримов 154 фунт вазн тоифасида барча камарлар учун кураш олиб боради!» — деди Ҳирн.

Мавзуга оид

Эълонлар

"Ўзбекинвест" компанияси томонидан "Яшил макон" умуммиллий дастури доирасида Қибрай туманида боғ яратилди

Iteca Exhibitions: 2024-йилда Ўзбекистоннинг иқтисодий ўсиши ва халқаро эътирофи драйвери

BI GROUPʼдан 25% гача чегирма билан бизнес класс хонадонлар

Орзуни амалга ошириш фурсати етди: саёҳат учун муносиб маскан

Шаржада ўтказилган Халқаро олимпиадада "Al-Jabr" мактаби ўқувчилари юқори натижаларга эришди

Келажак учун битим: MARS IT School болалар учун IТ-таълимни ривожлантиришнинг янги босқичига чиқяпти

"Ўзбекинвест" компанияси томонидан "Яшил макон" умуммиллий дастури доирасида Қибрай туманида боғ яратилди

Iteca Exhibitions: 2024-йилда Ўзбекистоннинг иқтисодий ўсиши ва халқаро эътирофи драйвери

BI GROUPʼдан 25% гача чегирма билан бизнес класс хонадонлар

Орзуни амалга ошириш фурсати етди: саёҳат учун муносиб маскан

Шаржада ўтказилган Халқаро олимпиадада "Al-Jabr" мактаби ўқувчилари юқори натижаларга эришди

Келажак учун битим: MARS IT School болалар учун IТ-таълимни ривожлантиришнинг янги босқичига чиқяпти

"Ўзбекинвест" компанияси томонидан "Яшил макон" умуммиллий дастури доирасида Қибрай туманида боғ яратилди

Iteca Exhibitions: 2024-йилда Ўзбекистоннинг иқтисодий ўсиши ва халқаро эътирофи драйвери