Janubiy Koreya prezidenti RQM tizimini joylashtirishni qo‘llab-quvvatladi

Koreya Respublikasi prezidenti Pak Kin Xe Milliy xavfsizlik kengashi yig‘ilishida, mamlakatda AQShning THAAD raketalarga qarshi mudofaa tizimi majmualarini joylashtirish g‘oyasini ma'qulladi, deb xabar qilmoqda Yonxap agentligi. 

Uning so‘zlariga ko‘ra, hukumat KXDR tahdidlaridan himoyalanishning eng yaxshi yo‘li THAAD tizimlarini joylashtirish, degan xulosaga kelgan. Pak Kin Xe mamlakat aholisini Shimoliy Koreyaning harbiy tahdidlaridan himoya qilish uchun «barcha zaruriy choralarni ko‘rish»ga va'da bergan. 

Avvalroq, Janubiy Koreya va AQSh, RQM tizimlarini Koreya yarimorolida joylashtirish bo‘yicha kelishuvga erishgan edi. Rasmiy Seul, mamlakatga o‘rnatiladigan RQM tizimlari Rossiya yoki Xitoyga qarshi qaratilmasligini ta'kidlagandi.