Politsiya Turkiyadagi portlashni tashkil etgan jinoyatchini qo‘lga oldi

Turkiya politsiyasi mamlakatning Van shahrida amalga oshirilgan teraktni tashkillashtirishda gumon qilib, bir kishini qo‘lga oldi. O‘sha teraktda uch kishi halok bo‘lgan edi. Bu haqda Anadolu agentligi xabar bermoqda.

Ma'lum qilinishicha, qidiruv ishlarida vertolyot va zirhli mashinalar ishtirok etgan. Portlash tashkilotchisi qo‘lga olinganida og‘ir yarador bo‘lgan. Ayni damda uni politsiya uchastkasiga yetkazishgan.

Turkiya hukumati ushbu hujumni terakt deb baholagan. So‘nggi ma'lumotlarga ko‘ra, politsiya uchastkasi yonida portlatilgan avtomobil natijasida uch kishi halok bo‘lgan, 40 kishi yaralangan. Hukumat bu ishni Kurdiston ishchi partiyasi amalga oshirgan, deya ma'lum qilgan.