Turkiyaning Elyazig shahridagi terakt tufayli jabrlanganlar soni 170 nafarga yetdi

Turkiya sharqidagi Elyazig provinsiyasida  yuz bergan kuchli portlash tufayli jabrlanganlar soni 170 nafarga yetdi. Reyter agentligi xabariga ko‘ra, bu politsiya mahkamasi yaqinida ro‘y bergan portlash tufayli halok bo‘lganlar soni - 6 nafar.

Bundan oldingi xabarlarda Turkiyada 12 soat ichida sodir etilgan ikkinchi portlash tufayli 3 kishi halok bo‘lgani va 146 kishi jarohatlangani aytilgandi.

Portlash erta tongda politsiya xodimlari ish joylariga kirib kelayotgan vaqtda mashinaga o‘rnatilgan portlovchi qurilma harakatga keltirilishi orqali amalga oshirilgan.

Manbalarda bu terakt Kurdiston ishchilar partiyasi tomonidan sodir etilgani aytilgan. Partiya hozircha portlash uchun javobgarlikni o‘z zimmasiga olmadi.

Eslatib o‘tamiz, 17 avgustning ikkinchi yarmida Turkiyaning Van provinsiyasida yuz bergan portlash natijasida uch kishi halok bo‘lib, yana 71 kishi jarohatlangan.