Kobulda Amerika universitetiga hujum qilganlar yo‘q qilindi

Foto: Reuters

Afg‘oniston maxsus kuchlari mamlakat poytaxti Kobuldagi Amerika universitetiga hujum qilgan ikki nafar qurollangan kishini yo‘q qildi, deb xabar qilmoqda Reuters axborot agentligi.

«Otishma tugadi, kamida ikki jinoyatchi o‘ldirildi», — deyiladi xabarda.

Agentlik ma'lumotlariga ko‘ra, «hozirda tozalash ishlari olib borilmoqda» va «tez orada boshqa tafsilotlar xabar qilinadi». Qayd etilishicha, jabrlanganlar orasida xorijliklar yo‘q.

Avval xabar berilganidek, Kobuldagi Amerika universitetiga uyushtirilgan qurolli hujum oqibatida kamida bir nafar talaba halok bo‘lgan.