AQSh aviatashuvchi kemasi oktabrda Janubiy Koreyadagi mashg‘ulotlarda ishtirok etadi

AQSh harbiy-dengiz kuchlari 5-aviatashuvchi guruhi flagmani, Yaponiyaning Yokosuka shahrida joylashtirilgan USS Ronald Reagan atom aviatashuvchi kemasi oktabrda Janubiy Koreyada o‘tadigan harbiy mashg‘ulotlarda ishtirok etadi. 

"USS Ronald Reagan 10-15 oktabrda Janubiy Koreya-AQSh harbiy mashg‘ulotlarida ishtirok etadi, mashg‘ulotlar Sariq dengiz va Koreya ko‘rfazida bo‘lib o‘tadi", deyilmoqda Yonhap axborot agentligi bergan xabarda.

Mashg‘ulotlardan asosiy maqsad Koreya yarimorolida qurollangan ixtilof yuz berish holatiga Shimoliy Koreyaning asosiy harbiy obektlari va rahbariyati vakillariga yuqori aniqlikdagi zarbalarni berishni mashq qilishdan iborat bo‘ladi. 

Mashg‘ulotlarda, shuningdek, AQShning USS Curtis Wilbur (DDG-54), USS John S. McCain (DDG-56), USS Fitzgerald (DDG-62), USS Stethem (DDG-63) va USS Barry (DDG-52) kemalari ham ishtirok etadi.

Ma'lumotlarga ko‘ra, AQSh mashg‘ulotlar vaqtida Janubiy Koreyaga B-2 strategik bombardimonchilarini tashlamoqchi.