Ashxobodda ochilgan yangi aeroport Ginnesning rekordlar kitobidan joy oldi
17 sentabr kuni Turkmaniston poytaxti Ashxobodda 2 milliard dollardan ortiq mablag‘ sarflangan yangi aeroport ochildi. Bu haqida RIA "Novosti" xabar berdi.
Uch terminalga (yo‘lovchi, VIP va yuk) ega aeroportning sig‘imi taxminan 2000 kishiga mo‘ljallangan. U har qanday turdagi samolyotni qabul qila oladi va xalqaro standartlarga binoan xizmat ko‘rsatishga qodir. Uchish-qo‘nish yo‘laklarining uzunligi - 3 800 metr. Aerovokzal majmui joylashgan hududning umumiy maydoni - 1 200 gektar.
Aeroportning ochilish marosimida Turkmaniston prezidenti Gurbanguli Berdimuhammedov ishtirok etdi. Davlat rahbari eng zamonaviy aeronavigatsiya bilan jihozlangan yangi aeroport xalqaro savdo-iqtisodiy aloqalar rivojiga xizmat qilishini ta'kidladi.
Asosiy yo‘lovchi terminal binosining tomida dunyoning eng katta hajmdagi gilam ko‘rinishidagi me'morchilik tasviri uchun yangi aeroportga Ginnesning rekordlar kitobidan sertifikat topshirildi. Ushbu "gilam"ning maydoni - 705 kvadrat metr.
Turkmanistondagi yangi aeroport bundan avval mamlakatdagi bir qator diqqatga sazovor inshootlarni qurgan Turkiyaning "Plimeks" kompaniyasi tomonidan bunyod etildi.
Mavzuga oid
20:25 / 19.09.2024
Moskva aeroportlarida xorijliklar uchun yangi qoidalar joriy etiladi
15:20 / 17.09.2024
Yaponiyalik ayol dunyodagi eng keksa odam deb topildi
10:45 / 12.09.2024
«Hech kim yordam berolmaydi» – Moskva aeroportida Rossiya fuqaroligini rad etgani uchun qaytarilgan migrant hikoyasi
08:54 / 12.09.2024