Ашхободда очилган янги аэропорт Гиннеснинг рекордлар китобидан жой олди
17 сентябрь куни Туркманистон пойтахти Ашхободда 2 миллиард доллардан ортиқ маблағ сарфланган янги аэропорт очилди. Бу ҳақида РИА "Новости" хабар берди.
Уч терминалга (йўловчи, VIP ва юк) эга аэропортнинг сиғими тахминан 2000 кишига мўлжалланган. У ҳар қандай турдаги самолётни қабул қила олади ва халқаро стандартларга биноан хизмат кўрсатишга қодир. Учиш-қўниш йўлакларининг узунлиги - 3 800 метр. Аэровокзал мажмуи жойлашган ҳудуднинг умумий майдони - 1 200 гектар.
Аэропортнинг очилиш маросимида Туркманистон президенти Гурбангули Бердимуҳаммедов иштирок этди. Давлат раҳбари энг замонавий аэронавигация билан жиҳозланган янги аэропорт халқаро савдо-иқтисодий алоқалар ривожига хизмат қилишини таъкидлади.
Асосий йўловчи терминал биносининг томида дунёнинг энг катта ҳажмдаги гилам кўринишидаги меъморчилик тасвири учун янги аэропортга Гиннеснинг рекордлар китобидан сертификат топширилди. Ушбу "гилам"нинг майдони - 705 квадрат метр.
Туркманистондаги янги аэропорт бундан аввал мамлакатдаги бир қатор диққатга сазовор иншоотларни қурган Туркиянинг "Плимекс" компанияси томонидан бунёд этилди.
Мавзуга оид
20:25 / 19.09.2024
Москва аэропортларида хорижликлар учун янги қоидалар жорий этилади
15:20 / 17.09.2024
Япониялик аёл дунёдаги энг кекса одам деб топилди
10:45 / 12.09.2024
«Ҳеч ким ёрдам беролмайди» – Москва аэропортида Россия фуқаролигини рад этгани учун қайтарилган мигрант ҳикояси
08:54 / 12.09.2024