Isroilning Anqaradagi elchixonasiga hujum uyushtirildi

Isroilning Turkiya poytaxti Anqara shahridagi elchixonasiga hujum uyushtirildi. Turkiya telekanallari ma'lumotiga ko‘ra, qurollangan holda elchixona binosiga kirmoqchi bo‘lganlardan biri otib o‘ldirilgan, ikkinchisi jarohatlangan holda qo‘lga olingan.

Isroil elchixonasi vakillari bo‘lib o‘tgan otishma oqibatida diplomatik missiya vakillari jabrlanmaganini bildirishgan.

The Jerusalem Post nashri Isroil TIVga asoslangan holda xabar qilishicha, qo‘riqchilar pichoq bilan qurollangan holda elchixonaga kirishga uringan shaxsni otib tashlashga majbur bo‘lishgan.