“Real” kutilmaganda g‘alabani qo‘ldan chiqardi
Madridning “Real” jamoasi La Liganing 6-turida “Las-Palmas” mehmoni bo‘ldi.
Uchrashuvning 32-daqiqasida Marko Asensio “Real”ni hisobda oldinga olib chiqdi. Biroq 38-daqiqada mezbonlar a'zosi Dominges muvozanatni tikladi, - 1:1. Jamoalar tanaffusga shunday hisob bilan yo‘l olishdi.
Ikkinchi bo‘limda “Real” ko‘proq hujumlar tashkil qildi. Bu esa 68-daqiqaga kelib o‘z samarasini berdi. Karim Benzema Ronaldu va Morata tomonidan amalga oshirilgan kombinatsiyani gol bilan yakunladi va madridliklarni oldinga olib chiqdi, - 1:2.
Benzemaning goli esa “Real”ga g‘alaba keltirmadi. 85-daqiqada Arauxo “Las-Palmas”ning joniga aro kirib, muvozanatni tikladi. Bahsning qolgan daqiqalarida “Real” qator golli vaziyatlarni yaratganiga qaramay, hisobni o‘zgartira olmadi. Shunday qilib, o‘yin 2:2 hisobida yakunlandi.
“Las-Palmas” – “Real” – 2:2
Gollar: 0:1 – 33 Asensio, 1:1 – 38 Dominges, 1:2 – 67 Benzema, 2:2 – 85 Arauxo.
Las-Palmas – Varas, Garsiya Santana, Kastelyano, Masedo, Artiles, Momo (Arauxo, 68), Gomes, Dominges, Viyera (El-Jar, 56), Livaya (Lemos, 88), Mesa.
Real Madrid – Kasilya, Varan, Nacho, Karvaxal, Ramos, Modrich, Kroos, Asensio (Benzema, 64), Beyl, Ronaldu (Vaskes, 72), Morata (Isko, 80).
Ogohlantirishlar: Mesa (23), Garsiya Santana (54), Kroos (58), Karvaxal (77), Dominges (90).
manba:tribuna.uz
Mavzuga oid
12:27 / 18.09.2024
«Real»da yangi yulduz porladi, «Bavariya» 9 ta gol urdi. YeChLda kun o‘yinlari
12:33 / 15.09.2024
«Real»ga ustun va to‘sin yordam berdi, «Siti» yakkapeshqadam. Kun o‘yinlari
11:38 / 12.09.2024
Ronaldu - «Real»dagi faoliyati, Mbappe Madridga o‘tishi va Kroos faoliyatini yakunlagani haqida
14:17 / 06.09.2024