Eron AQShning ushlab olingan dronini namoyish qildi

Eronda Islom inqilobi qo‘riqchilari korpusi a'zolari AQShning ushlab olingan droni suratini chop etishdi, deb xabar bermoqda Tashim News agentligi.
  
Eronliklar tomonidan ushlab olingan dron MQ-1C Predator dronining takomillashgan versiyasi – MQ-1C Grey Eagle bo‘lib chiqqan. Bu model boshqariluvchi raketalar yoki bombalar bilan jihozlanish mumkin.

Ma'lum qilinishicha, dronni ushlash tafsilotlari keltirilmagan, biroq ko‘rsatilgan fotosuratlarda dronda katta shikastlanishlar borligi ko‘rinmagan. Mutaxassislarning fikricha, dron radioelektron kurash vositalarini qo‘llagan holda ushlanib, Eronga majburiy ravishda qo‘ndirilgan.