Bayden Trampni o‘ta nodon kishi deb atadi

AQSh vitse-prezidenti Jo Bayden mamlakat prezidentligi uchun Respublikachilar partiyasidan nomzod bo‘lmish Donald Trampni qoloq kishi deya atadi.

"U yomon odam emas, lekin u o‘ta qoloq odam", degan Bayden Tramp haqida SNN efirida.

Bundan tashqari, Bayden Tarmpni uning o‘z raqiblari bilan omma qarshisida janjallashmoqchi bo‘lishini qoralagan.

"Siz prezident yarim kechasi tvitterda zaharli izohlar yozdirib qolishini aqlingizga sig‘dira olasizmi?", degan Bayden.

Tramp o‘tgan haftada soat 3:30dan tonggi soat 5:30gacha Hillari Klintonni qo‘llab-quvvatlayotgan fotomodelga qarshi tvitlar bitib, o‘zining 20 millionlik tarafdorini ushbu modelning qilmishlarini fosh etishga chaqirgandi.

Bayden shuningdek, Trampning Rossiyaga moyilligini, soliq hisobotlarini oshkor qilishdan bosh tortganini va marhum harbiylarning oila a'zolari bilan janjallashganini tanqid qilgan.