Trampning safdoshi Rossiyani payt poylab yotgan ayiqqa qiyosladi

AQSh vitse-prezidentligiga Respublikachilar partiyasidan nomzod Maykl Pens Demokratlar partiyasining shu lavozimga nomzodi Tim Keyn bilan debat vaqtida Rossiyani ayiqqa qiyosladi.

"Rus ayig‘i hech qachon o‘lmaydi. U faqat payt poylaydi", deya Pensning so‘zlarini keltiradi RIA Novosti.

U Suriyada "Rossiya harakatlariga qarshi javob" tayyorlashga chaqirgan. Shuningdek, Chexiya va Polshada Moskvaga qarshi raketa hujumidan mudofaa tizimini barpo qilish zarurligini ta'kidlagan.

Bundan oldingi xabarlarda, ushbu ikki siyosatchining teledebatida AQShning Rossiya bilan munosabatlarida qat'iy harakatlar boshlash zarurligi aytib o‘tilgani ma'lum qilingandi.