Afrikaning yana bir davlati Xalqaro jinoyat sudini tark etadi

Foto: gambiaflag.facts.co

Afrikaning yana bir mamlakati Gambiya axborot vaziri Sharif Bodjang, uning hukumati Xalqaro jinoyat sudi bilan hamkorlikni to‘xtatishi haqida bayonot berdi, deb xabar qilmoqda Reuters agentligi.

«Biz qarorimizni quyidagicha izohlaymiz: XJS Xalqaro jinoyat mahkamasi bo‘lish o‘rniga, rangli insonlar, ayniqsa afrikaliklarni tahqirlayotgan Xalqaro Yevropa sudiga aylangan», — degan Gambiya vaziri.

Ta'kidlanishicha, Gambiya hukumatining qarori harbiy jinoyatlarga doir ishlar bilan shug‘ullanuvchi Xalqaro jinoyat sudiga bosimni kuchaytiradi. Agentlik ma'lumotlariga ko‘ra, XJS Afrika qit'asida yangi mustamlakachilik siyosatini yuritishda ayblab kelinayotgan edi. Sud tomonidan ko‘rilayotgan o‘nta ishning to‘qqiztasi Afrikadagi jinoyatlar bilan bog‘liq.

Avvalro, JAR hukumati ham mazkur xalqaro sud mahkamasidan chiqishini e'lon qilgan edi.

#Afrika #JAR #Gambiya #harbiy jinoyat #xalqaro jinoyat sudi