Rossiya poytaxtida bir sutkada 900ga yaqin avtohalokat ro‘y berdi

Moskvada kuzatilayotgan noqulay ob-havo sharoiti tufayli bir kecha-kunduzda 880ta turli yo‘l-transport hodisasi ro‘y bergan,  deb xabar qilmoqda RIA «Novosti» agentligi.

Shundan, 24 hodisada 26 kishi jabrlangan, ularning biri yosh boladir. 70 nafar haydovchi mast holda avtomobil boshqargani uchun ushlangan. 

Bir kun avval, shahar yo‘l harakati xavfsizligi inspeksiyasi fuqarolarga murojaat qilib, kuchli yaxmalak bo‘lishi kutilayotgani sabab, juda zarur bo‘lmasa ko‘chaga chiqmaslikni tavsiya qilgan edi. 

Ma'lumotlariga ko‘ra, noqulay ob-havo sharoiti 12 noyabrda ham saqlanib qoladi.