Kanada politsiyasi 12 yoshli qizni qurol saqlashda aybladi

Kanadaning Toronto shahri politsiyasi shahardagi turay joy binolaridan birida o‘tkazgan maxsus opertsiyasi yakunlariga ko‘ra 6 nafar o‘smir va 3 nafar katta yoshli kishiga noqonuniy tarzda qurol saqlash ayblovini qo‘ydi, deb xabar bermoqda CTV.

Ma'lum qilinishicha, qo‘lga olinganlar orasida 12 yoshli qiz ham bo‘lgan.

Qo‘lga olinganlarga nisbatan qurol, o‘q-dorini noqonuniy va noto‘g‘ri saqlash, quroldagi seriya raqamlarini qalbakilashtirish bo‘yicha 111 ta ayblov qo‘yilgan. Musodara qilingan qurol orasida ikkita pistolet-pulemyot ham bo‘lgan.

Ayni vaqtda politsiya bu holat bo‘yicha tekshiruv olib bormoqda.