Канада полицияси 12 ёшли қизни қурол сақлашда айблади

Канаданинг Торонто шаҳри полицияси шаҳардаги турай жой биноларидан бирида ўтказган махсус оперцияси якунларига кўра 6 нафар ўсмир ва 3 нафар катта ёшли кишига ноқонуний тарзда қурол сақлаш айбловини қўйди, деб хабар бермоқда CTV.

Маълум қилинишича, қўлга олинганлар орасида 12 ёшли қиз ҳам бўлган.

Қўлга олинганларга нисбатан қурол, ўқ-дорини ноқонуний ва нотўғри сақлаш, қуролдаги серия рақамларини қалбакилаштириш бўйича 111 та айблов қўйилган. Мусодара қилинган қурол орасида иккита пистолет-пулемёт ҳам бўлган.

Айни вақтда полиция бу ҳолат бўйича текширув олиб бормоқда.