Gruziya prezidenti Kvirikashvilini mamlakat bosh vaziri etib tayinladi

Gruziya prezidenti Georgiy Margvelashvili mamlakat bosh vaziri lavozimiga Georgiy Kvirikashvilini tayinlash to‘g‘risidagi farmonni imzoladi. Bu haqda 27 noyabr kuni davlat rahbari ma'muriyati xabar bermoqda.

Avvalroq Gruziya parlamenti deputatlari mamlakat yangi hukumatining tarkibini tasdiqlashgan edi. Bosh vazir va yangi hukumatga 110 deputat ishonch bildirdi, 19 nafari qarshi chiqdi.

"Gruziya konstitutsiyasining 80-moddasi sakkizinchi punktiga binoan Gruziya bosh vaziri etib Georgiy Kvirikashvili tayinlandi", — deyiladi prezident farmonida.