AQSh davlat kotibi Germaniya oliy mukofotiga loyiq topildi

AQSh davlat kotibi Jon Kerri Berlinga tashrifi davomida “GFR oldidagi xizmatlari uchun” mukofotini hamkasbi Frank-Valter Shtaynmayyer qo‘lidan qabul qilib oldi. Bu haqda Deutsche Welle telekompaniyasi xabar bergan.
Tantanali marosimda GFR tashqi ishlar vaziri Kerrini “haqiqiy do‘st” deb atagan.

— U – men biladigan diplomatlar orasidagi eng tirishqog‘idir, - ta'kidlab o‘tdi Shtaynmayyer va Berlin hamda Vashington o‘rtasidagi qalin o‘zaro munosabatlarni davom ettirishga chaqirdi.

OAVning xabar berishicha, “Germaniya Federativ Respublikasi oldidagi xizmatlari uchun” ordeni bilan fuqaroligidan qat'iy nazar siyosat, iqtisodiyot, madaniyat arboblari va diniy tashkilot xodimlari taqdirlanadi.