Honda Xitoyda o‘zining navbatdagi zavodini quradi

Honda Motor kompaniyasi Xitoyda avtomobil zavodi qurayotganini ma'lum qildi. Loyiha o‘tgan yilning kuzida iqtisodiy pasayish sabab to‘xtatib qo‘yilgan edi. Ayni paytda uni bitkazish borasida ishlar boshlab yuborilgan.

Zavod Xubey provinsiyasining ma'muriy markazi bo‘lmish Uxan shahrida quriladi. Investitsiyaning umumiy qiymati 3 mlrd yuanni (435 mln dollar) tashkil etmoqda. Zavod ilk avtomobilini 2019 yilning birinchi yarmida chiqarishi kutilmoqda.

Zavodning ishlab chiqarish quvvati yiligi 120 ming avtomobil ishlab chiqarishga mo‘ljallangan. U Yaponiyaning Xitoydagi oltinchi, Uxandagi uchinchi zavodi bo‘ladi. Bundan tashqari, zavod 2000ta yangi ish o‘rnini paydo qiladi.