OAV: Afg‘on armiyasi mamlakat sharqida “Tolibon” hujumiga uchradi

Afg‘on armiyasi mamlakat sharqida joylashgan Gazni provinsiyasida “Tolibon” radikal harakati hujumiga uchradi.

Bu haqda mamlakat harbiylari ma'lumotiga asoslanib, “Sinxua” agentligi ma'lum qilmoqda.

“Hujum tongda boshlandi. Qurollangan bir qancha jangarilar Mukur tumanida joylashgan “Muhammad Kli” va “Regrashan” nazorat punktlariga hujum qildi, - degan afg‘on armiyasi vakillaridan biri Hanif Rizoiy. 

Uning ma'lum qilishicha, ikki soat davom etgan otishmada Afg‘oniston armiyasining bir askari halok bo‘lgan, ikki nafari yaralangan. Shuningdek, sakkiz nafar jangari yo‘q qilingan va 12 nafari yaralangan.