«Real»ning 2017 yilgi transferlardagi asosiy nishoni ma'lum

Madridning «Real» klubi 2017 yil yozida transferlar vaqtida faol harakatlanadi.

Ole xabariga ko‘ra, jamoa bosh murabbiyi Zaynidin Zidan «Yuventus»ning argentinalik yosh hujumchisi Paulo Dibalani tarkibga qo‘shib olishni rejalashtirmoqda.

AS xabariga ko‘ra esa, «Real» Dortmundning «Borussiya» klubi hujumchisi, 27 yoshli Per-Emerik Obameyangni qo‘lga kiritishga urinib ko‘radi. Agar gabonlik futbolchi bilan shartnoma imzolanmasa, madridliklar e'tiborini Paulo Dibalaga qaratadi.

Bundan avval ispan nashrlari «Barselona» Dibalaga qiziqish bildirayotgani haqida yozgandi.

Italiya chempionatining 17 turidan keyin Dibal 10 uchrashuv o‘tkazgan, 3 gol urgan va 2 golli uzatma muallifi bo‘lgan.