Tramp beshinchi avlod F-35 qiruvchi samolyotining muqobilini topdi

AQShning saylangan prezidenti Donald Trampning ma'lum qilishicha, u Boeing kompaniyasidan F-18 Super Hornet qiruvchi samolyotini ishlab chiqarish bilan bog‘liq moliyaviy tafsilotlarini taqdim etishni so‘ragan. U bu haqda Twitter sahifasida yozgan. 

«Lockheed Martin F-35 qiruvchi-bombardimonchi samolyotini ishlab chiqarish va uning tannarxi bilan bog‘liq yirik xarajatlarga asoslangan holda, men Boeing korporatsiyasidan F-18 Super Hornet tannarxiga doir hujjatlarni taqdim qilishni so‘radim», — deb yozgan Tramp.

Avvalroq, milliarder yangi avlod F-35 qiruvchi samolyotlarini ishlab chiqarish narxini «nazorat qilib bo‘lmas» deb atagan edi. Uning bayonotidan so‘ng, Lockheed Martin kompaniyasi aksiyalari bahosi 4 foizga arzonlashgan.