Трамп бешинчи авлод F-35 қирувчи самолётининг муқобилини топди

АҚШнинг сайланган президенти Дональд Трампнинг маълум қилишича, у Boeing компаниясидан F-18 Super Hornet қирувчи самолётини ишлаб чиқариш билан боғлиқ молиявий тафсилотларини тақдим этишни сўраган. У бу ҳақда Twitter саҳифасида ёзган. 

«Lockheed Martin F-35 қирувчи-бомбардимончи самолётини ишлаб чиқариш ва унинг таннархи билан боғлиқ йирик харажатларга асосланган ҳолда, мен Boeing корпорациясидан F-18 Super Hornet таннархига доир ҳужжатларни тақдим қилишни сўрадим», — деб ёзган Трамп.

Аввалроқ, миллиардер янги авлод F-35 қирувчи самолётларини ишлаб чиқариш нархини «назорат қилиб бўлмас» деб атаган эди. Унинг баёнотидан сўнг, Lockheed Martin компанияси акциялари баҳоси 4 фоизга арзонлашган.