Turkiyada parlament spikeri o‘rinbosari hibsga olindi

Turkiyada mamlakat parlamenti spikerining o‘rinbosari, kurdlarning Xalqlar demokratiyasi partiyasi vakili bo‘lmish Pervin Buldan hibs qilingan.

Mahalliy nashrlarning yozishicha, partiya matbuot xizmati bu ma'lumotni tasdiqladi.

Partiya vakilining so‘zlariga ko‘ra, Buldan o‘z uyida hibsga olingan.

2016 yilning noyabrida mahalliy nashrlar kurdlar istiqomat qiluvchi hududdagi Van shahri meri qo‘lga olingani haqida yozgandi. O‘sha kunlarda Xalqlar demokratiyasi partiyasi hamraisi Fig‘on Yuksakdog‘ va Salohiddin Demirtosh bilan birga jami 11 deputat hibsga olingandi.