Yangi iPhone - 7s'mi yoki 8?

2017 yilda taqdim etiladigan iPhone modeli sensorlari vertikal joylashgan mutlaqo yangi ikkilamchi kamera moduliga ega bo‘lishi mumkin. Bu haqida Tayvanning qurilma qismlari ishlab chiqaruvchisiga tayanib, Macotakara portali xabar berdi. 

Kameraning yangi versiyasidan tashqari, manba devaysning iPhone 8 emas, iPhone 7s nomini olishi haqida ma'lum qildi. Biroq smartfon va kamera xususiyatlari hozircha tasdiqlanmadi. 

Shuni ta'kidlash joizki, smartfonning uch xil versiyasini ishlab chiqarishga doir xabarlar tasdiqlandi. Kompaniya 4,7 va 5,5 dyuym diagonalga ega odatiy modifikatsiyalardan tashqari, 5 dyuymli qurilmani ham ishlab chiqarmoqda. U qolgan ikki telefonga xos bo‘lgan xususiyatlar bilan ta'minlanadi.