Xitoy konlaridan birida gaz portlashi 12 kishining umriga zomin bo‘ldi

Xitoyning Xenan viloyatidagi ko‘mir konlaridan birida gaz aralashmasining portlashi oqibatida halok bo‘lganlar soni 12 nafarga yetdi, deb xabar qilmoqda Sinxua agentligi mahalliy hokimiyat vakillariga tayangan holda. 

Hodisa 4 yanvar kuni kechqurun Chjenchjou shahar okrugining Denfen muzofotida sodir bo‘lgan. Portlash chog‘ida 51 kishi yer ostida bo‘lgan, ularning 39 nafari yer ustiga chiqishga ulgurgan. Yana 7 kishi yer ostida qolib ketgan. 6 yanvar kuni hukumat vakillari ularning halok bo‘lganini tasdiqladi. Xabarlarga ko‘ra, portlashga asbob-uskunalardan noto‘g‘ri foydalanish sabab bo‘lgani taxmin qilinayapti.