Uralda multfilmlar tomosha qilgan bola o‘zini osib qo‘ydi

Rossiyaning Yekaterinburg shahri tergov idoralari multfilm ko‘rib o‘tirgan bolaning o‘zini osib qo‘yishi bilan bog‘liq holat bo‘yicha surishtiruv ishlarini olib bormoqda. Bu haqda Rossiya Tergov qo‘mitasining Sverdlov viloyati bo‘yicha rahbari katta yordamchisi Aleksandr Shulga RIA Novostiga ma'lum qilgan. 

"Tergov qo‘mitasi fojiaga oid holatlarni o‘rganmoqda. Bir necha taxminlar bor. Baxtsiz hodisa shulardan biri", — degan agentlik suhbatdoshi. 

Uning so‘zlariga ko‘ra, hodisa 12 yanvar kuni, oila a'zolarining barchasi uyda bo‘lgan vaqtda yuz beran. 

Avvalroq, OAV xabar qilganidek, 9 yoshli bola multfilm tomosha qilib o‘tirgan. Birmuncha vaqtdan so‘ng, uning otasi xonaga kirganda bolani osilgan holda topgan. Tez yordamni chaqirishgan bo‘lsa-da, bolaning hayotini saqlab qolishning imkoni bo‘lmagan.