AQShdagi supermarketlarda avtomobillar savdosi yo‘lga qo‘yiladi

Amerikadagi Walmart supermarketlar yirik tarmog‘i yaqin vaqt ichida avtomobillar savdosini yo‘lga qo‘yadi.

Motortrend ma'lumotiga ko‘ra, Walmart’ga qarashli 25ta savdo markazida 1 apreldan boshlab CarSaver tizimi kioskalari paydo bo‘ladi. Ular yordamida xaridorlar Internet orqali o‘zlari uchun ma'qul avtomobil, unga qo‘shimcha qurilmalar, shuningdek, moliyaviy va sug‘urta xizmatlarini olishlari mumkin bo‘ladi. Dilerlar buyurtma kelib tushgach, mijozni avtomobilni olib ketishga taklif qilishadi.

Walmart avval Xyuston, Dallas, Feniks va Oklaxoma-Sitidagi avtosalonlar bilan hamkorlikni yo‘lga qo‘yadi. Shundan so‘ng, CarSaver tizimi ikki yil davomida butun AQSh bo‘ylab joylashgan supermarketlarda paydo bo‘ladi.