Tashqi ishlar vazirligida Tojikiston elchisi bilan uchrashuv o‘tkazildi

2017 yil 3 fevral kuni O‘zbekiston Respublikasi Tashqi ishlar vazirligida Tojikiston Respublikasining Favqulodda va Muxtor Elchisi Sodiq Imomi bilan uchrashuv bo‘lib o‘tdi. Bu haqda Tashqi ishlar vazirligi matbuot xizmati xabar berdi.

Suhbat davomida ikki tomon kun tartibining joriy masalalari, 2016 yilning 27-28-dekabr kunlari Dushanbe shahrida bo‘lib o‘tgan savdo-iqtisodiy hamkorlik bo‘yicha O‘zbekiston-Tojikiston Hukumatlararo komissiyasining 4-majlisi doirasida erishilgan kelishuvlarni amalga oshirish jarayoni muhokama qilindi. 

Uchrashuvda turli darajalarda bo‘lajak uchrashuvlarga tayyorgarlik ko‘rishning amaliy jihatlari ham ko‘rib chiqildi.