Argentinada kichik samolyot qulashi oqibatida 5 kishi halok bo‘ldi

Argentinaning Buenos-Ayres viloyatidagi Markos Pas shahri yaqinida kichik samolyot qulashi oqibatida 5 kishi halok bo‘ldi. Bu haqda Associated Press axborot agentligi xabar bermoqda. 

O‘t o‘chiruvchilarning ma'lumotlariga ko‘ra, bir motorli Cessna 201 samolyoti halokatga uchragan. Uning bortida 3 nafar katta yoshli va 2 nafar balog‘atga yetmagan odamlar bo‘lgan. Ularning barchasi halok bo‘lgan.  

Ta'kidlanishicha, samolyot havoga ko‘tarilishi bilanoq qulagan. Ushbu holat yuzasidan tergov boshlangan.