Moskva havo hujumidan himoya bo‘limi yuqori harbiy tayyorgarlikka keltirildi

Rossiya Havo-kosmik kuchlarining Moskvadagi havo hujumidan himoya bo‘linmasi favqulodda tekshirish doirasida yuqori harbiy shaylik holatiga keltirildi. Bu haqda Rossiya mudofaa vazirligiga asoslangan holda RIA Novosti agentligi xabar qilmoqda.

Mudofaa vazirligi ma'lumotlariga ko‘ra, tahdid ishorasi bilan «S-300», «S-400» va «Pantsir-S» divizionlari shay holatga keltirilgan. Ular zaxira o‘rinlariga hamda jangovar texnikalarni temir yo‘l platformalariga yuklash joylariga borishgan. 

Harbiy bo‘linmalar belgilangan hududlarga kelgach, texnikalarni tiklashadi va harbiy navbatchilikda turishadi. 

Bu amaliy mashg‘ulotlar Rossiya prezidenti Vladimir Putinning Havo-kosmik kuchlari harbiy tayyorgarligi bo‘yicha favqulodda tekshiruvni e'lon qilishi doirasida o‘tkazilmoqda.