Davlat raqobat qo‘mitasida YeTTB delegatsiyasi bilan uchrashuv bo‘lib o‘tdi
Joriy yilning 8-fevral kuni Davlat raqobat qo‘mitasida Qo‘mita rahbariyatining Yevropa Tiklanish va Taraqqiyot Banki (YeTTB) Markaziy Osiyo va Rossiya bo‘yicha ijrochi direktori Nataliya Xanjyenkova boshchiligidagi delegatsiya a'zolari bilan uchrashuvi bo‘lib o‘tdi.
Mazkur tashrifning maqsadi: xususiylashtirish, monopoliyaga qarshi tartibga solish, korporativ boshqaruv va qimmatli qog‘ozlar bozorini yanada takomillashtirish borasida Davlat raqobat qo‘mitasi va YeTTB o‘rtasida hamkorlikni yo‘lga qo‘yish masalalarini muhokama etish.
Bo‘lib o‘tgan uchrashuvda xususiy mulk, kichik biznes va xususiy tadbirkorlikni jadal rivojlantirish yo‘lidagi g‘ov va to‘siqlarni olib tashlash, xususiy tadbirkorlikni yanada rivojlantirish, iqtisodiyotda xususiy sektorning o‘rni va ulushini oshirishga qaratilgan chora-tadbirlarni amalga oshirish – O‘zbekiston Respublikasi Hukumati tomonidan qabul qilinayotgan bir qator Farmon va Qarorlarida o‘z aksini topayotgani e'tirof etildi.
Uchrashuvda Qo‘mita mas'ul xodimlari O‘zbekiston Respublikasining Xususiylashtirish dasturiga xorijiy investorlarni jalb etishning muhimligi va ahamiyatini qayd etgan holda, uchrashuv qatnashchilariga Qo‘mita faoliyatining asosiy yo‘nalishlari - xususiylashtirish, korporativ boshqaruv va qimmatli qog‘ozlar bozorini takomillashtirish, monopoliyaga qarshi tartibga solish, iqtisodiy nochor korxonalarni moliyaviy sog‘lomlashtirish bo‘yicha batafsil ma'lumotlar berdilar.
O‘z navbatida YeTTB delegatsiyasi tomonidan respublikada kechayotgan xususiylashtirish jarayonlarida, korporativ boshqaruv, qimmatli qog‘ozlar bozori, raqobat, iste'molchilarning huquqlarini himoya qilish sohalarida hamkorlik qilish imkoniyatlari to‘g‘risida fikrlar bildirildi.
Uchrashuv yakunida tomonlar muhokama etilgan masalalarni hal etish borasida o‘zaro hamkorlik qilishga kelishib oldilar.
Mavzuga oid
09:30
Toshkentda o‘zini bank xodimi deb tanishtirib, o‘zganing 15 mln so‘mini o‘zlashtirgan shaxs ushlandi
07:50 / 23.09.2024
Bank siri sohasidagi hujjatlarga o‘zgartirish va qo‘shimchalar kiritilmoqda
08:50 / 20.09.2024
Soliq qo‘mitasi ikki bankni javobgarlik choralari to‘g‘risida ogohlantirdi
08:40 / 19.09.2024