Pokistondagi teraktdan keyin 100 dan ko‘proq jangari yo‘q qilindi
Pokiston xavfsizlik kuchlari Sahvon-Sharif shahrida sodir etilgan yirik teraktdan keyin mamlakatning turli qismlaridagi reydlar va jangovar to‘qnashuvlar oqibatida 100 dan ko‘proq terrorchini yo‘q qildi.
16 fevral Sind viloyatining Sahvon-Sharif shahrida sufiy faylasuf va shoir La'l Shahboz Qalandar maqbarasi hududida portlash sodir etilgandi. Bu terakt uchun javobgarlikni IShID o‘z zimmasiga olgandi. Terakt sufiylik oqimining ko‘plab izdoshlari an'anaviy marosimni bajarayotganlarida sodir etilgan. Oxirgi ma'lumotlariga ko‘ra, 88 kishi halok bo‘lgan, 300 dan ko‘proq kishi jarohatlangan.
Ta'kidlanishicha, mamlakat razvedka xizmatlari hujum ortida turgan terrorchilik tarmoqlarini aniqlashda davom etmoqdalar. Armiyada aytilishicha, mamlakatda yaqinda sodir etilgan bir qator teraktlar xorij qo‘llab-quvvatlovi yoki ko‘rsatmasi bilan amalga oshirilganiga isbotlar bor. Bundan tashqari, Pokiston-Afg‘oniston chegarasida terrorchilar yashiringan joylarga zarbalar berilmoqda.
Mavzuga oid
21:12 / 22.09.2024
Pokistonda Rossiya elchisi kortejidagi avtomobil mina bilan portlatildi
12:50 / 21.09.2024
Pokiston O‘zbekiston ishtirokidagi xalqaro transport yo‘lagini tashkil etish bo‘yicha memorandumni imzoladi
14:10 / 10.09.2024
Niderlandiyada qotillikka undaganlikda ayblangan ikki pokistonlik sudlandi
12:27 / 21.08.2024