Pens AQSh Afg‘oniston hukumatini qo‘llab-quvvatlashini aytdi

AQSh prezidenti Donald Tramp boshchiligidagi AQShning yangi ma'muriyati Kobuldagi milliy birdamlik hukumatini qo‘llab-quvvatlaydi. Bu haqda AQSh vitse-prezidenti Maykl Pens Afg‘oniston prezidenti Ashraf G‘ani bilan uchrashuvda aytdi. Ular Xavfsizlik bo‘yicha Myunxen anjumani doriasida uchrashdilar.

Ushbu uchrashuv yakunlariga ko‘ra Oq uy matbuot xizmatining ma'lum qilishicha, Pens va G‘ani ikki tomonlama munosabatlarni mustahkamlash imkoniyatlarini hamda "birinchi navbatda aksilterrorchilik sohasidagi hamkorlik va iqtisodiy rivojlanish sohasida o‘zaro manfaatlarni ilgari surishni" muhokama qilishgan. 

Bundan tashqari, tomonlar "AQSh va Afg‘oniston o‘rtasida strategik sheriklikni saqlab qolish muhimligini " tasdiqlashgan.