Hasan Ruhoniy ikkinchi muddatga ham prezident bo‘lmoqchi

Eron vitse-prezidenti Husayn Ali Amiri mamlakatning amaldagi rahbari Hasan Ruhoniyning may oyida ikkinchi marta prezidentlik saylovlarida ishtirok etish rejasi haqidagi ma'lumotni tasdiqladi. Bu haqda Frans Press xabar tarqatdi.

"Oxirgi haftalarda janob Ruhoniy prezidentlik saylovlarida ishtirok etish bo‘yicha qaror qabul qildi", deyilgan IRNA agentligi xabarida.

O‘tgan yilning oktabrida mamlakat ichki ishlar vaziri Abdulrozi Rahmoniy Fazliy mamlakatning amaldagi rahbari 2017 yilgi prezident saylovlarida qatnashmoqchi ekanini ma'lum qilgandi. Nomzodlarni ro‘yxatga olish ishlari 10-14 aprel kunlari bo‘lib o‘tadi, saylovoldi kampaniyasi 27 aprel kuni boshlanadi va 16 mayga qadar davom etadi. Saylov 19 mayga belgilangan.